Энэ бол ханхийсэн халуун амттай, кавказ амтлагч бөгөөд хүн бүр л дуртай байдаг амтлагчдын нэг юм.  Гэхдээ хол хүнсэндээ байнга хэрэглээд байдаггүй учир нь бие махбодод ихээр хэрэглэх нь зохимжгүй хэмээн үздэгтэй холбоотой. Тэгвэл одоо та бүхэндээ аджиканы орц найрлагын тухай, мөн ашиг тусын тухай товчхон мэдээлэл хүргэхээс гадна амттай аджика бэлтгэх жор  танилцуулъя.   

Аджиканы ашигтай тал
 
• Хоолны дуршил нэмэгдүүлдэг. Хоолны дуршил нэмэгдүүлснээр хоолонд дуртай болох, биеийн жингээ нэмэхийг хүсч байгаа хүмүүст таргалуулах сайн талтай.  

• Хоол боловсруулалтыг эрчимжүүлж өгдөг. Ийм учраас аджикагаар амталж хийсэн хоол нь бие махбдод өөх тос болон хуримтлагдаж үлдэхгүйгээр сайтар хурдан шингэнэ гэсэн үг.

• Бие махбодод байгаа мөн шимэгчлэн амьдардаг хортой бичил биетнүүдийг устгадаг. Ийм учраас кавказчууд ханиад томууны дэгдэлтийн үед болон урьдчилан сэргийлэх зорилгоор аджикатай хоол хүнсийг түлхүү бэлтгэж хэрэглэдэг байна.  

• Цусны эргэлтийг эрчимжүүлдэг.  

• Суданы хананд холестерин үүсэхээс сэргийлдэг. Иймээс аджика нь зүрх судасны өвчнөөс урьдчилан сэргийлэх сайн амтлагчид тооцогддог.  

• Эрчүүдийн үр тогтоох чадварыг дээшлүүлдэг.