УИХ-ын хаврын чуулганы ээлжит хуралдаан явагдаж байна. Өнөөдөр болон маргаашийн чуулганаар Зөрчлийн тухай хуулийн шинэчилсэн найруулгын төсөл болон холбогдох бусад хуулийн төслүүд, Хөрөнгө оруулалтын банкны тухай хуулийн төсөл, Монгол Улсын Ерөнхий сайдын мэдээлэл: "Хаврын тариалалтын бэлтгэл ажлыг хангах талаар авч хэрэгжүүлж байгаа арга хэмжээний талаар" хэлэлцэх хуваарьтай байгаа билээ.

Тэгвэл өнөөдрийн УИХ-ын чуулганы хуралдаанд 76-55 гэсэн ирцтэй хуралдаж байна. УИХ-ын гишүүн Х.Болорчулуун, Б.Дэлгэрсайхан  нар чөлөөтэй байгаа бол УИХ-ын гишүүн Ж.Бат-Эрдэнэ, Я.Санжмятав, Я.Содбаатар, Л.Элдэв-Очир, Б.Энх-Амгалан нар гадаадад томилолттой байгаа аж. Харин С.Батболд, С.Жавхлан, Н.Наранхүү, Д.Оюунхорол, О.Содбилэг, Г.Солтан, Ч.Улаан, Б.Ундармаа, Ц.Цогзолмаа, Б.Чойжилсүрэн, Ж.Энхбаяр, Н.Энхболд, С.Эрдэнэ нар чуулгандаа ирээгүй байна.

УИХ-ын гишүүн АН дарга С.Эрдэнэ намынхаа шинэчлэлийн хүрээнд хөдөө орон нутагт ажиллаж байгаа. Тэгвэл УИХ-ын гишүүн, Байгал орчин, аялал жуулчлалын сайд Д.Оюунхорол салбарынхаа арга хэмжээнд оролцоод чуулгандаа суух завгүй явна.