Шведийн автомашин үйлдвэрлэлийн Volvo корпораци цахилгаан моторт анхны автомашинаа 2019 онд Хятадад үйлдвэрлэнэ гэж Шанхайд болж байгаа авто үзэсгэлэнгийн үеэр компанийн төлөөлөгч мэдэгдлээ гэж Automotive News сайт мэдээллээ.

Энэ машиныг тус компанийн Lynk & CO-той хамтран бүтээсэн CMA загвар дээр үндэслэн бүтээнэ гэж тэр хэлсэн байна.

Volvo-гийн ерөнхий захирал Хакан Самуэльсон ч “энэ бол цоо шинэ машин байх болно” гэжээ. “Машины маань ерөнхий төрх их бие дэлхийн жишгийг дагасан байх болно. Бид эхлээд цахилгаан хөдөлгүүрт машин хийнэ, харин дотоод шаталтын хөдөлгүүртэй машиныг дараа нь гаргана” гэж Самуэльсон тэмдэглэсэн байна. 

Тэр бас энэ машинаа үйлдвэрлэх газар нь Хятад гээд удирдагчид нь ч цахилгаан хөдөлгүүрт машин үйлдвэрлэхийг бидэнд уриалсан гэжээ.