Е аминдэм бидний эрүүл мэндэд хэрхэн нөлөөлдөг тухай 10 баримт
1. Е аминдэм буюу токофорел бол хүчтэй антиоксидант юм. Энэ нь эсийг сэргэхэд тусалж, чөлөөт радикалын хөнөөлт нөлөөнөөс бие махбодийг хамгаалдаг. Е аминдэм арьс, үсний хуурайшилтыг багасгаж, хумсыг бэхжүүлдэг. Энэ шинж чанарыг нь ашиглан, түүний эмчилгээний болон урьдчилан сэргийлэх гоо сайхны хэрэгслийн найрлагад оруулж, арьсны өвчний үед ийм аминдэм ихтэй бүтээгдэхүүн хэрэглэхийг зөвлөдөг. Ургамлын тос нь энэ аминдэмийн хэмжээгээр тэргүүлдэг.
2.  Е аминдэм эрэгтэй, эмэгтэй хүний аль алиных нь нөхөн үржихүйн үйл ажиллагааг дэмжиж өгдөг. Эстроген, прогестероны ялгаралтыг сэргээж, үр тогтох үйл явцыг хангаж өгдөг.
3. Е аминдэм нь өөхөнд уусдаг. Өөх тостой хоолонд сайн шингээдэг. Чухамхүү тиймээс уургийн хатуу хоолны дэг барьж байгаа хүнд эмч нар токофорелыг эмийн хэлбэрээр нэмж хэрэглэхийг зөвлөдөг. Гэвч энэ аминдэмийн хоногийн тунг авахын тулд их илчлэг өөх тостой хоол идэх хэрэггүй, энэ тунг 1-2 хоолны халбага наранцэцгийн тос маш сайн орлоно. Амттай тэгээд ашиг тустай.
4. Өнөөгийн хүн хоолныхоо хамт хангалттай хэмжээний Е аминдэм авдаг. Дутуу төрсөн хүүхдүүд болон хоол тэжээлийн төрөлхийн гажигтай хүмүүст нэмэлт хэмжээгээр зөвлөх нь бий.
5. Юугаар ч орлуулашгүй хосгүй шинж чанартай ч Е аминдэм нь зөвхөн урьдчилан сэргийлэх үүрэг гүйцэтгэх чадвартай юм. Тиймээс бид эрүүл мэнддээ аль болох эрт санаа тавьж эхэлнэ, төдийчинээ сайн юм.
6. .Хангалттай хэмжээний Е аминдэм хэрэглэх нь гоо сайхан, залуу насаа хадгалахад төдийгүй сэтгэл санааны эрүүл мэндэд ашиг тустай. Учир нь Е аминдэм нь захын болон төвийн мэдрэлийн системийн үйл ажиллагаанд чухал үүрэг гүйцэтгэдэг. Сэтгэл санаагаа сэргээхийг хүсч байна уу? Тэгвэл салатыг майонезээр биш харин ургамлын тосоор амтал.
7. Е аминдэмийг С аминдэм, бета-каротин, цайр болон зэстэй хамт удаан хугацаагаар хэрэглэх нь нүдний торлогт гарах насны өөрчлөлтийг удаашруулдаг.
8. Е аминдэм нь нитратыг (утсан болон дарсан бүтээгдэхүүнд байдаг бодисууд) хорт хавдар үүсгэдэг бодис болж өөрчлөгдөхөд саад болдог хосгүй чадвартай. Дармал хүнс бэлтгэхдээ түүнд бага зэрэг ургамлын тос заавал нэмж байгаарай.
9. Соёолуулсан улаан буудайны тос нь Е аминдэмийн агууламжаар эхний байранд ордог. Мөн наранцэцгийн үр, наранцэцгийн тос, бүйлсийн жимс, кунжут, газрын самар, эрдэншиш, оливын болон шар буурцгын тос нь дээгүүр байрт ордог.
10. Хоолонд Е аминдэмийг сайн шингээж өгөхийн тулд цайр (хаш, өргөст хэмх, томат, дайвар бүтээгдэхүүнүүд, хясаа, мөөг, хулуунд агуулагддаг) болон селен (кокос, гахайн өөх, сармис, далайн загас, цагаан мөөг, өндөг, наранцэцгийн үр, сэвэг зарам, бүдүүн ширхэгтэй гурил, дайвар бүтээгдэхүүнд агуулагддаг) хангалттай түвшинд байх ёстой. Харин чихэрлэг, гурилан бүтээгдэхүүн нь эсрэгээр биед энэ аминдэмийн шингэлтэд саад хийдэг байдаг.