Сэрсний дараа орноосоо огцом бүү босоорой
Өглөө дөнгөж сэрэх үед толгой эргэж, нүд харанхуйлах тохиолдол байдаг. Иймд таван минут тайван хэвтэж, тухтай эвшээж суниах нь тархины цусан хангамжийг идэвхжүүлэхэд тустай.

Тархин дахь эндорфин бодисын дутагдал
Энэ бодисоос сэтгэл санааны тамир хамаардаг. Үдшийн цагт энэ бодис ихээр хуримтлагддаг тул та ирээдүйгээ өөдрөг харна. Харин өглөөгүүр эндорфин бодисын түвшин унадаг тул сэтгэл санаанд ч сөрөг нөлөөтэй. Иймд түр зуурын хямралаас гарахад аяга аагтай кофе, шоколад тустай. Кофейн болон шоколад нь эндорфин бодисын боловсруулалтыг ихэсгэдэг тул сэтгэлийг тайвшруулдаг.
Өглөө бага зэрэг тослог хүнс хэрэглэ

Өглөө чихэрлэг боов, амтлаг зүйл бүү ид. Учир нь нүүрс ус, глюкоз болж хувирахдаа амархан. Харин бага зэргийн тослог агуулсан хүнс тохиромжтой. Өглөө цөцгийн тос, бяслаган хавчуургатай талх, тараг, самар хэрэглэвэл бүтэн өдрийн турш сахарын хэмжээг ихэсгэхгүй.

Илүүдэл шингэн бөөрөнд ачаалал өгнө

Нойрсохоос 1,5-2 цагийн дотор цай, жүүс болон бусад ундаанд хориг тавь. Шөнө бөөр амрах ёстой. Гэтэл уусан шингэн нүүр болон биеийн арьсан доорх эд эсэд шилжиж бөөрөнд ачаалал өгдөг. Өглөөгүүр нүүр хавагнах, нүдний дор хүүдий үүсэх нь унтахын өмнө шингэн зүйл уусантай холбоотой. Хавагнасан тохиолдолд шээс хөөлгөх хөнгөн үйлчилгээтэй тараг, кофе, алимны шүүс зэргийг уугаарай.