Ром хотоор аялах жуулчдын заавал очдог нэг газар бол “Треви” усан оргилуур ажээ. Яагаад ч юм энэ усан оргилуурт хүмүүс зоосон мөнгө шиддэг болоод удаж байгаа юм байна. Яг л өнөө манайхны Бадархундага нууранд алт мөнгөө өргөөд байдаг шиг л гээд ойлгочиход болно. Тэгвэл хэдий хэр мөнгө байгаа цуглардаг бол. Энэ талаар La Repubblica сонинд бичсэнээр 2016 онд 1,4 сая еврог жуулчид шиджээ гэж бичсэн байна.

Яг л аварга том мөнгөний гахай шиг усан оргилуурт цугларсан мөнгийг католик шашны “Caritas” гэдэг буяны байгууллагад өгдөг аж. Тус байгууллага уг мөнгийг орон гэргүй ядуу хүмүүсийн асрамжийн газар, орлого багатай гэр бүлийнхэнд зориулсан үнэгүй дэлгүүр, гуанз зэргийг ажиллуулахад зарцуулдаг байна.

Усан оргилуур руу шидсэн зоосон мөнгөний ихэнх нь америк доллар, австрали доллар, евро, иен байжээ. Өмнөх жилүүдэд уг усан оргилуур руу Гэгээн Мария, Ромын хамба Францискийн дүрстэй зоос, цоож, түлхүүр, бугуйвч, нарны шил, тэр ч бүү хэл хиймэл эрүү хүртэл байжээ.