1.Урт даашинз

Ботинк эсвэл богино түрийтэй өндөр өсгийтэй гуталтай хамт өмд эсвэл өөр даашинз дээгүүр өмсдөг урт, цамцан даашинз.
Ийм даашинзыг дангаар нь өмссөн ч болдгоороо давуутай.

2.Бохо стильтэй даашинз

Бохо стилийн даашинз хэзээ ч моодноос гарч байсангүй. 50 гаруй жилийн түүхтэй бохо стиль нь хамгийн тансаг үнэтэй зүйлсийг хуучирч элэгдсэн энгийн зүйлтэй, үндэсний хувцсыг дизайнерийн үнэтэй эдлэлтэй, янз бүрийн чиглэл стилийг хослуулах боломж олгодог болохоор моодноос хэзээ ч гарахгүй байх. Энэ хавар ханцуйтай бохо даашинз илүү түгээмэл байна.

3. Сүлжмэл хээтэй даашинз

Сүлжмэл хэээтэй даашинз энэ хавраас ахин моодонд орж байна. Ялангуяа урт ханцуйтай, цэцгэн хээтэй даашинз онцгойрч байгаа.

4.Цэцгэн хээтэй даашинз

50-аад оны үеийнх шиг эсвэл бие барьсан хийцтэй, тод өнгийн цэцгэн хээтэй даашинз энэ хавар онцгойрч байна. Хавар ийм даашинзыг савхин куртка эсвэл пальтотой хослуулбал илүү зохимжтой.
Дээр нь сүүлийн үед ийм ганган даашинзыг кед, жирийн курткатай хослуулж өмсөх нь моодонд ороод байгааг хэлэх хэрэгтэй.

5. Жижиг хар даашинз

Зүгээр нэг жижиг хар даашинз бус харин уртаашаа нугалаа гаргасан даашинз энэ хавар онцгойрох болно.
Болзоонд явах, хаврын үдэшлэг цэнгээнд оролцоход нэн тохиромжтой байна.