Технологийг манлайлагч “Apple” компанид жолоочгүй автомашины зах зээлд хөл тавиад удаж байгаа билээ. Тун удахгүй зах зээлд нэвтрүүлэхээр төлөвлөөд байгаа уг автомат жолоодлоготой машинаа нийтийн эзэмшлийн замд хөдөлгөөнд оруулахаар шаргуу ажиллаж байгаа юм. Тэгвэл энэ ажлын эхлэл тавигдаж эхэллээ.

Учир нь Калифорни муж улсад нийтийн эзэмшлийн зам дээр турших зөвшөөрөл үйлдвэрлэгчдэд өгчээ. Калифорни мужын Моторт тээврийн хэрэгслийн газар туршилт хийх зөвшөөрлийг “Apple”-д  энэ сарын 14-нд өгсөн байна.
Автомат жолоодлоготой машин зохион бүтээж байгаагаа тус компани өнгөрсөн оны 12 дугаар сард олон нийтэд зарлаж байсан юм. Калифорнид 29 компани нийтийн эзэмшлийн зам дээр автомат жолоодлоготой машинаа хэдийн туршаад байгаа аж. “Google” компани л гэхэд автомат жолоодлоготой тээврийн хэрэгслүүдээр нийтдээ 3.2 сая км замыг туулжээ.