Италиар аялсан жуулчид Ром хотын Тревийн усан оргилуурт 2016 онд  1,4 сая евро хаяж аз жаргал хүсэн, эргэн ирэхээ ерөөдөг гэж италийн La Repubblica хэвлэл мэдээлжээ.

Хамгийн сүүлд 2013 онд энд хаясан мөнгийг тоолж үзэхэд 100 мянга гаруй евро болж байжээ.
Судалгаанаас үзэхэд аялан явагчид энд ихэвчлэн евро, доллар, иен шиддэг бол сүүлийн үед австрали доллар шидэх нь ихэссэн гэнэ.

Усан оргилуурт шидсэн мөнгийг бага орлоготой иргэдэд зориулсан үнэгүй худалдааны төв, гуанз нийтийн байр ажиллуулдаг  католикийн буяны Caritas байгууллагад шилжүүлэн өгдөг байна. Усан оргилуурт зоосон  мөнгөнөөс гадна Гэгээн Мари, Ромын пап Франциског дүрсэлсэн медальон, түлхүүр, цоож, бугуйвч, хиймэл шүд, нарны шил ч шидсэн байдаг гэнэ.

Тревийн усан оргилуур нь италидаа томд орохоор 20 метр өргөн, голдоо 26 метр өндөр барималтай юм. Баримлын нуруун дээр зогсч, оргилуурын усанд зоос шидэх нь эргэн ирэхийн бэлгэдэл гэж үздэг.