ХБНГУ-ын нийслэл Берлиний Бодегийн музейгээс 100 кг жинтэй 99999-ын сорьцтой цул алтан, нэг сая долларын зоосыг даваа гарагийн шөнө хулгайд алдлаа гэж тус хотын цагдаагийнхан өөрийн албан ёсны Twitter хуудсандаа бичжээ.

Хулгайчид цонхоор орж авч явсан “Агч модны том навч” нэртэй, нийтдээ 3,7 сая доллараар  бүтээсэн  энэ зоосны диаметр нь 53 см, зузаан нь гурван см юм байна. Зоосны нэг талд Их Британийн хатан хаан Елизавет II-ын дүрийг дүрсэлсэн байдаг.

Энэ зоосыг Канадын хатан хааны зоос үнэт эдлэлийн ордонд 2007 онд цутгасан болохоор нэг тьалд нь Канадын бэлгэ тэмдэг агч модны навч дүрсэлж, “Агч модны том навч” хэмээн нэрийдсэн юм байна.