Алдарт найруулагч James Cameron –ны найруулсан “Avatar” уран сайхны кино 2009 онд нээлтээ хийж дэлхий нийтийг байлдан дагуулсан юм. Нээлтээ хийсэн даруйдаа “Box office” –ыг их ашиг орлогоороо тэргүүлсэн бөгөөд бүх цаг үеийн хамгийн их ашиг олсон кино болох “Titanic” –ын амжилтыг эвдэж чадсан гайхалтай бүтээл. Тэгвэл James Cameron өөрийн гайхалтай бүтээлийнхээ хоёр, гуравдугаар ангийг 20th Century Fox кино компанитай хамтран хийхээр болжээ. Сонирхуулахад бүтээлдээ шинэ санаа болон өвөрмөц өнгө төрх олохын тулд James Cameron далайн гүнд хоёр ч удаа шумбаж судалгаа явуулсан гэнэ. Avatar –ын шинэ ангиуд ирэх 2013 болон 2014 онд нээлтээ хийхээр төлөвлөжээ.