Өнгөрсөн жилийн аваргуудын лигийн цомын эзэн Лондонгийн цэнхэрүүд энэ зуны солилцоо наймааны зах зээлд идэвхтэй ажиллаж байгаа багуудын нэг юм. Тэд юуны өмнө туслах дасгалжуулагч Роберто Ди Матеог жинхэнэлсэн. Гол довтлогч болох Дидье Дрогба Шанхай Шинхуа баг руу явсанаар урд шугам нь эзэнгүйрэх болсон юм. Эхний ээлжинд Бразил довтлогч Халкын араас хөөцөөлдөх болсон. Гэхдээ тэдний урдуур ПСЖ баг хөндөлсөх болж уг солилцоо удааширах болсон. Үүнээс гадна Интерийн хамгаалагч Майкон одоо бараг цэнхэрүүдтэй нэгдэж  байгаа аж. Мөн дараагийн бай нь өнгөрсөн улиралд 32 тоглолтонд 29 гоол оруулсан Голландын шигшээн довтлогч Клаас Ян Хунтелаар-ыг сонирхож эхэллээ.