Үндэсний их баяр наадмын хүчит бөхийн барилдааны үзүүр түрүүний барилдаан хэдхэн мөчийн дараа эхэлнэ. Энэ жилийн наадамд Архангай аймгийн Булган сумын харьяат улсын заан Д.Рагчаа, Увс аймгийн Давст сумын харьяат аймгийн арслан П.Бүрэнтөгс нар үзүүр түрүү булаалдана. Энэ хоёр бөх хоёулаа улсын гарьд цолны болзол хангаад байна. Д.Рагчаа зааны хувьд улсын заан цолоо гурван удаа баталсан хүчит заан. Яг одоо түүнд Архангай нутгийнхан зөвлөгөө өгч байна. Мөн түүний хадам аав Өвөрхангай аймгийн Нарийнтээл сумын харьяат дархан аварга Д.Цэрэнтогтох үнэтэй зөвлөгөөгөө өгч байгаа бололтой.