"Авьяаслаг Монголчууд" шоу нэвтрүүлгийн шилдэг оролцогч Б.Шижирбатад амжилт хүсч "Гацуурт" компанийн захирал Л.Чинбат нэгэн шагнал өгсөн тухайгаа өөрийн цахим хуудсандаа ийн бичжээ.

"Авьяаслаг Монголчууд нэвтрүүлгийн шилдэг оролцогч Б.Шижирбатынхаа цаашдын ажил хөдөлмөрт өндөр амжилт хүсэж авьяас билгээ улам хөгжүүлэхэд нь бага ч атугай нэмэр болох болов уу гээд АНУ-руу аялж дэлхийн тэргүүлэх технологийн үзэсгэлэн үзэх эрхээр шагнаж урамшууллаа.

Уран чамин үзүүлбэрээрээ биднийг баясган догдлуулсан чамд баярлалаа. Олон сайхан уран бүтээл туурвиж Монголынхоо нэрийг дэлхийд дуурсгаарай миний дүү! " гэжээ.