Бүгд найрамдах улсаа тунхагласны өдрийг тохиолдуулан МЗХ-ноос жил бүр зохион байгуулдаг “Иргэний андгай өргөх ёслол” өнөөдөр  Төрийн ордны их танхимд болно.
Монголын Залуучуудын холбоо, Гэр бүл, хүүхэд, залуучуудын хөгжлийн газар хамтран зохион байгуулах энэ  ёслолд нийслэлийн долоон дүүргийн ЕБС-ийн 800 сурагч оролцож, тэдний 20 нь  Монгол Улсын иргэний үнэмлэхээ гардаж авах юм.  
Монгол  Улсын иргэн болж, иргэний  үнэмлэхээ  гардана гэдэг хэн бүхэнд хамгийн баярт мөч байдаг. Тиймээс 16 нас хүрч буй охид  хөвгүүд Монгол Улсынхаа тусгаар тогтнолын баярын энэ өдөр Монгол Улсын иргэний үнэмлэхээ төр засгийн тэргүүн, урлаг спорт, шинжлэх ухааны салбарт манлайлагч хүмүүсээс  гардан авч, эх орондоо үнэнч  шудрага иргэн байх үүргээ биелүүлэхээ андгайлах юм.

Ёслолын үеэр Ерөнхий сайд Ж. Эрдэнэбат, Хөдөлмөр, нийгмийн хамгааллын сайд Н.Номтойбаяр нар залуустаа хандаж үг хэлэх бол  МЗХ-ны Ерөнхийлөгч А. Мөнхбат “Залуудаа сайхан амьдарья”, залуу бизнесменүүдийг төлөөлж "Монос" группийн гүйцэтгэх захирал Х.Ананд “Zero to Hero” сэдэвт лекц уншина.

Энэ хүндэтгэлийн ажиллагааг  МЗХ-ны орон нутгийн салбар холбоод аймгийнхаа ЗДТГ-тай хамтран эл  өдөр нэгэн зэрэг зохион байгуулах юм байна.