Украины Харьков хотын тусгай сургуулийн украин хэл, уран зохиолын багш эмэгтэй нэг сурагчийнхаа эд эрхтнийг донор болгон зарах гэж жилийн туршид интернэтээр худалдан авагч хайжээ. Багш эмэгтэй шавиа 10 мянган ам.доллараар зарахаар төлөвлөж байсан гэж хууль сахиулагчдын мэдээллээ.

“13 настай сурагчийг худалдах гэж удаан хугацаагаар төлөвлөсөн байсан. Үүний тулд тэр хүүхдийн нэрээр интернэтэд тусгай хуудас нээснээр барахгүй худалдан авагчтай хийх гэрээ зэрэг бүхий л баримт бичгийг бэлтгэсэн байсан” гэж Украины Дотоод хэргийн сайд Арсен Аваков мэдэгдсэн байна.

Хууль сахиулагчид дөрвөн сарын туршмөрдөн шалгаж, багш эмэгтэйтэй худалдан авагчийн дүрээр холбоо барьжээ.Ингэхдээ тэд хүүхдийг эрүүл эсэхийг асуухад багш эмэгтэй 1000 гривенээр эмнэлгийн картыг нь үзүүлж болно гэж хариулсан байна.Түүний бүх үйлдлийг нотолбол 3-12 жилийн ял сонсох бололтой.Хүүхэд зарах гэж байсан багш эмэгтэйг саатуулан шалгаж байгаа аж.