Доктор Ч. Содбилэгийн “Ертөнцийн товч түүх” шинэ ном хэвлэгдэн гарчээ. Уг ном нь хүний амьдрал, эргэн тойронд, орчлон ертөнц, байгаль дээрх үзэгдэл, юмсын учир шалтгаан, хоорондын харилцан хамаарал, зүй тогтлын тухай аль ч насны, ямар ч мэргэжлийн хүмүүст зориулан бичигдсэн танин мэдэхүйн сэдэвтэй юм.
Уг номыг уншсанаар орчлон ертөнц анх хэрхэн, яаж үүссэн, од гариг, галактикууд хэрхэн бүрэлдэн бий болсон, матерын хөдөлгөөн янз бүрийн үзэгдэлд хүргэдэг тухай, орон зай, цаг хугацаа гэж юу вэ гэх зэрэг асуултуудын хариултыг мэдэх боломжтой аж. Доктор Ч.Содбилэг шинэ номныхоо дээжээс Физик, Технологийн Хүрээлэнгийн номын сан, Ховд их сургуулийн номын сан, Ховд аймгийн арван жилийн I, II дунд сургуулиудын номын сангуудад хандивлажээ. Тус номоо ШУА-ийн ФТХ дээр 2014-2016 онд хэрэгжсэн “Хүчтэй харилцан үйлчлэлийг латтис тоон загвараар судлах” суурь судалгааны төслийн хүрээнд, уг төслийн санхүүжилтээр бичиж, хэвлүүлжээ.