Үндэсний их баяр наадам, Их Монгол улс байгуулагдсны 806 жилийн ой, ардын хувьсгалын 91 жилийн ойн баяр наадам өчигдөр урианхай харваагаар эхэлсэн билээ. Урианхай харваанд 100-аад харваач цэц мэргэн сорьсноос Монгол Улсын мэргэн, Урианхай сурын дархан мэргэн, буриад сурын мэргэн М.Батгэрэл 30 сумнаас 28 онож, түрүүлсэн байна. Харин урианхай харваан эхний таван байрт Баян-Өлгий аймгийн харваачид болох Урианхайн мэргэн Ж.Мягмар 30 сумнаас 28 , 2008 оны Монгол Улсын аварга Х.Бямбажав 30 сумнаас 27, Спортын мастер З.Нямсүрэн 30 сумнаас 27, “АПУ Трейдинг” компанийн “Зэв Алтан түрүү” багийн гишүүн, спортын мастер н.Баянмөнх 30 сумнаас 25 онож удаалсан байна. Харин маргааш хүүхдийн сур харваа эхэлнэ.

Ж.Цэцэг