Америкийн Миннесота мужийн Сент-Пол хотын нэгэн эмэгтэй ажил тараад гэртээ иртэл гэрт нь үл таних эмэгтэй буйдан дээр нь суучихсан, бас охиных нь өмдийг өмсчихсөн тухлаад, яг л гэрийн эзэн шиг сууж  байж байх юм гэнэ. Гэрийн эзэгтэй сандраад цагдаа дуудаж, хууль сахиулагчид ч нөгөө эмэгтэйг хулгай хийх гэсэн хэмээн баривчилсан байна.

Оросын гурван баавгайн гэдэг үлгэрт гардаг шиг "урилгагүй зочин" бас хөргөгчөөс хүнс авч идэж уугаад, гэрээс гутал эд зүйл авч  цүнхэндээ авч хийсэн байж.
37 настай Розалия Портильо  гэгч эхлээд гэрийн эзнийг таньдаг, гэрийг нь цэвэрлэх, цэцгийг нь услах гэж байсан гэж зүтгэсэн ч сүүлдээ нээлттэй цонхоор нь орсон гэдгээ хүлээжээ.