Lonely Planet –ийн эх сурвалжаас Оросын dp.ru сайтын авч  бичсэн мэдээнд яг ингэж бичиж. Энд “Аялж жуулчлахад хамгийн таатай 10 орны тоонд Монгол, Мьянма улсууд санамсаргүй орчихож. Энэ орнууд бөөнөөрөө амрах газар биш ч гэсэн, ганц нэгээрээ аялж, жуулчлахад, Азийн сонирхолтой орны нэг гэж Lonely Planet үзсэн бололтой” гэжээ.
2017 онд аялан явагч жуулчдад хамгийн таатай орны жагсаалтыг Канад тэргүүлсэн байна. Энэ улс ирэх онд тусгаар тогтнолынхоо 150 жилийн ойг тэмдэглэх юм байна. Хоёрдугаар байр Колумба, гуравдугаарт Финлянд улсууд  оржээ. Финлянд ч бас ирэх жил тусгаар тогтнолынхоо 100 жилийн ойг тэмдэглэх нь жилийн туршид баярын уур амьсгалтай байх юм байна. Мөн энэ улсад уран гулгалтын дэлхийн аварга, Скандинавын орнуудын уулын цанын аварга шалгаруулах тэмцээнүүд болох учраас жуулчид ийшээ зорих бас нэг шалтгаан болох юм байна.