Холливудын жүжигчин од Брэд Питт, Анжелина Жоли хоёрын шарваа шалдалж гуяараа нийлж гурлван хөлтэй мэт дүрсэлсэн  лааны тосон баримлыг  интернетийн дуудлага худалдааны eBay сайт худалдаалах гэж байна.
Барималыг хийхдээ хүний жинхэнэ үс ашиглаж, нүдийг нь шилээр хийсэн гэнэ. Дуудлага худалдаа зохион байгуулагчид алдарт хосыг салж байгаад зориулан энэ баримлыг бүтээсэн гэжээ.

Бранжелина нэртэй энэ баримлын гарааны үнэ 3500 фунт стерлинг юм байна. Уг нь баримлын эзэн эхлээд энэ урлалаа 10 мянгаас доошгүй үнээр өгнө гэсэн гэнэ. Дуудлага худалдаа аравдугаар сарын 15-нд болох юм байна.

Өнгөрсөн есдүгээр сарын 19-ний өдөр Анжелина Жоли нөхөр Брэд Диттээсээ салж байгаа тухай өргөдлөө өгсөн юм. Тэрээр Питтийг эцгийн үүргээ хангалтгүй биелүүлж байгаа гэж шалтгаанаа дурджээ. Тэд хамтдаа 10 жил амьдарч байгаад 2014 оны наймдугаар сарын 23-нд гэрлэлтээ албан ёсоор батлуулсан юм. Тэд өөрсдөөс төрсөн гурав, өргөж авсан гурав нийтдээ зургаан хүүхэдтэй.