НҮБ-ын Залуучуудын зөвлөх хороо монгол залуучуудад Хүний хөгжлийн илтгэлийн зөвлөмжүүдийг таниулах, цаашлаад амьдралдаа хэрэгжүүлэхэд нь тус дөхөм болох зорилгоор “MONGOLIAN YOUTH FESTIVAL 2016” арга хэмжээ зохионо. Ингэхдээ гудамжны урлаг болон граффит зургаар дамжуулан Хүний хөгжлийн илтгэл дэх зөвлөмжүүдийг дүрслэх, гудамжны чөлөөт урлагийн тусламжтайгаар тухайн илтгэлийн үнэ цэнэ, зорилгыг залуучуудад таниулах, ойлгуулах аж. 
Мөн чадварлаг уран бүтээлчдийг дэмжих, граффит сонирхдог залуучууд болон уран бүтээлчдийг нэгтгэж, тэдний сэтгэл, ур чадвар шингэсэн бүтээлийг мөнхлөн үлдээхээр болсон нь энэ. Залуучуудын талаарх Хүний хөгжлийн илтгэлтэй холбоотой болон олон чадварлаг судлаач, эрдэмтэн, зөвлөхүүдийн судалгаан дээр суурилсан зөвлөмжүүдийг энэ сарын 30-нд Үндэсний цэцэрлэгт хүрээлэнд болох “MONGOLIA YOUTH FESTIVAL 2016” арга хэмжээнд ирж сонирхох боломжтой.
