Хоёр долоо хоног хүрэхгүй хугацааны өмнө ашиглалтанд орсон, дэлхийн хамгийн урт шилэн гүүрийг өчигдрөөс хаажээ.

Хятад улсын засгийн газрын албаны хүмүүс мэдэгдэхдээ “яаралтай засвар үйлчилгээ хийх хэрэгтэй болсон тул гүүрийг түр хаалаа” гээд, өөр дэлгэрэнгүй мэдээлэл өгсөнгүй. Гүүрийг хэзээ нээх нь тодорхойгүй байна.

Хоёр хавцлын хооронд газраас 180 м өндөрт орших энэ гүүрний урт нь 430 м бол өргөн нь 6 м юм.

Хунань мужийн Жанзязе хотод байдаг уг гүүрийг 3.4 сая доллароор барьсан бөгөөд энэ гүүрэн дээр нэгэн зэрэг 800 хүртэлх тооны хүн гарах боломжтой.