Тулгар төрийн 2225, Их Монгол Улсын 810, Ардын хувьсгалын 95 жилийн ой, үндэсний их баяр наадмын хүчит бөхийн барилдаанд  Улсын даян аварга Г.Өсөхбаяраар манлайлуулсан улс, аймгийн алдар цолтой хүчит 1024 бөх барилдсанаас Архангай аймгийн Хашаат сумын харьяат  Улсын заан Ч.Санжаадамба уран мэхийг уралдуулан хийж, ид хаваа гайхуулан арав даван түрүүлж, төрийнхөө их баяр наадамд анх удаа түрүүлж, Монгол Улсын аварга боллоо.

Харин Архангай аймгийн Архангай аймгийн Булган сумын харьяат Улсын начин Р.Пүрэвдагва ес даван үзүүрлэж, Улсын арслан цолны болзол хангалаа.

Үндэсний их баяр наадмын шөвгийн дөрөвт  Сэлэнгэ аймгийн Мандал сумын харьяат Улсын аварга Г.Эрхэмбаяр, Увс аймгийн Ховд сумын харьяат  Улсын арслан Н.Батсуурь   нар төрийнхөө их баяр наадамд  найм даван шөвгөрсөн юм.