Канадын Броквилл хотын нэгэн хижээл эр хүүгийнхээ найз бүсгүйд дэлхий бөөрөнхий гэдгийг ойлгуулах гээд чадаагүйдээ бухимдан цэцэрлэгт хүрээлэнд түймэр тавьсан хачирхалтай хэрэг гарчээ.
Энэ зургадугаар сарын 13-нд тэрээр хүү, түүний найз бүсгүйтэй хамт цэцэрлэгт хүрээлэнд түүдэг асаан амарцгааж. Энэ үеэд дэлхийн хэлбэрийн талаар ярилцаж байгаад маргаж эхэлж. Хэргийн учир нь хүүгийн нь найз бүсгүй дэлхийг хавтгай гэж, харин хүүгийн аав дэлхий бол бөөрөнхий гэж ойлгуулахыг оролдож. Харин бүсгүй дэлхийг хавтгай гэж зүтгэсээр байсан гэнэ. Хүүгийн аав дэлхий бөөрөнхий гэдгийг ойлгуулах гэж олонтаа оролдоод эцэст нь тэвчээр алдан уурлаж пропантай баллоноо түүдэг гал руу чулуудсанаар цэцэрлэгт хүрээлэнд түймэр дэгджээ.

Цагдаагийнхан, гал сөнөөгчид ирж байж түймрийг унтраасан ч гэмт этгээд зугтсан учрас эрэн сурвалжилж байгаа юм байна. “Энэ бол ямар ч утга учиргүй хэрэг. Хоёр этгээд өөр өөрийнхөө үзлийг хамгаалах гэж тэмцсэнээс энэ бүхэн үүдсэн” гэж цагдаагийн мөрдөн байцаагч хэлжээ.