Удахгүй болох гэж байгаа зуны олимпын наадамд манайхаас хамгийн их найдвар тавьж байгаа төрлүүдийн нэг бол олимпын анхны аварга төрөн гарсан нь жүдогийн төрөл юм. Тэгвэл олимпын наадмаас өмнө Олон улсын жүдогийн холбооноос шинэчилсэн чансааг зарллаа. Лондонгийн олимп болтол энэ чансаа өөрчлөгдөхгүй юм байна. Манай тамирчид уг жагсаалтанд нилээдгүй дээгүүр яваа нь бахархууштай. Манай жүдочдоос Монгол Улсын хөдөлмөрийн баатар Х.Цагаанбаатар, гавьяат тамирчин М.Бундмаа нар жиндээ дэлхийд хоёрдугаарт бичигдэж байгаа бол өөр 11 монгол жүдоч жин бүрийнхээ шилдэг 20-д багтжээ. Сонирхуулхад 1202 оноотойгоор эмэгтэйчүүдийн 52 кг –ын жинд  аман хүзүүдсэн Гавьяат тамирчин Бундмаа энэхүү байраа сүүлийн нэг жил гаруй хугацаанд хадгалж яваа юм.

Жин тус бүрдээ эхний хорин байранд багтаж чадсан жудочидаа танилцуулъя:

Эрэгтэй

60 кг: -Д.Төмөрхүлэг 716 оноогоор 11 байр

           -Г.Болдбаатар 678 оноогоор 12 байр

           -Ч.Болдбаатар 506 оноогоор 17 байр

66 кг:  -Х.Цагаанбаатар 1164 оноогоор 2 байр

            -С.Мияарагчаа 908 оноогоор 7 байр

73 кг:  -С.Ням-Очир 900 оноогоор  5 байр

-100 кг: -Н.Түвшинбаяр 896 оноогоор 7 байр

              -Б.Тэмүүлэн 762 оноогоор 10 байр

Эмэгтэй

48 кг:   -М.Уранцэцэг 668 оноогоор  8 байр

52 кг:   -М.Бундмаа 1202 оноогоор 2 байр

63 кг:   -Ц.Мөнхзаяа 794 оноогоор 10 байр

-78 кг:  -П.Лхамдэгд 1030 оноогоор 6 байр