Дээд амжилтын Гиннесийн номын эзэн, хамгийн их шивээстэй хүн Томи Леппард 80 насандаа өндөр настнуудын асрамжийн газарт өөд болсон байна. Амьдралынхаа 28 жилийг армид алба хааж өнгөрүүлсэн тэрээр цэргийн албанаас халагдсаныхаа дараанаас л амьдралаа өөрчлөхөөр шийдэж бүхий л бие дээрээ шивээс хийлгэн ирвэс лугаа өнгө төрхтэй болоод Шотландын үл мэдэх арал дээр амьдрахаар явжээ.
Хэдийгээр түүнийг хэвлэлийнхэн ихэд сонирхож хөөцөлдөж байсан ч тэрээр удаан хугацаагаар холбоо тасран таг чиг байсан нэгэн.

Томи биеийнхээ 99,2 хувь, хөл гарынхаа хурууны хооронд, чихнийхээ омог дээр хүртэл шивээс хийлгэхдээ нийт 5000 фунт стерлинг зарцуулсан гэдэг. 2008 онд тэрээр эх газарт нүүн ирж Брдфорд дахь гэртээ суурьшин амьдарч эхэлжээ.

Хэдийгээр хамгийн их шивээстэй хүн гэдэг алдрыг төсөрхөн Лаки Даймон Рич гэгч эзэмших болсон ч “Хүн-цоохор ирвэс”-Томи манай гаригийн хамгийн сонирхолтой, хэвлэлийнхний анхаарал татсан хүн хэвээр үлдсэн юм.