Өмнөд Солонгосын нийслэл Сөүлд “юу ч хийхгүй 90 минут хэвтэх” тэмцээнд 70 хүн оролцсон байна. Тэмцээний дүрмээр бол оролцогч нь цаг хагасын хугацаанд гар утсаар ч ярихгүй, оролдохгүй, цагаа ч харахгүй, бас унтахгүй, ямар нэгэн зүйл ярихгүй “хэвтэх” ёстой гэнэ.

Ялангуяа эмэгтэйчүүд ямар нэг зүйл хийхгүй, оролдохгүй байж чаддаггүйг ажигласан зураач Вупс Ян гэгч ийм тэмцээн зохиохоор бүр 2014 онд шийджээ. Тэгэхэд түүнд олон хүн бөөнөөрөө юу ч хийхгүй байвал ер нь яах бол гэсэн сонин санаа төрсөн гэнэ.

Вупс Ян хэлснээр бол энэ жилийн тэмцээнд оролцохоор хоёр мянга гаруй хүн мэдүүлгээ өгсөн ч тэрээр хамгийн шилдэг 70-ыг нь л сонгож авсан нь энэ юм байна.
Тэмцээний ялагчаар  энэ жил 90 минутын турш юу  чхийлгүй тэвчээр заасан Шин Нио-Сеоб гэгч шалгарахдаа биед нь ямар ч өөрчлөлт гаралгүй цусны даралт нь хэвийн байсан гэнэ.