Британийн нийслэл Лондонд нүцгэн хүн орж үйлчлүүлэх “The Bunyadi” нэртэй  зоогийн газар нээсэнд тэр дороо л 46 мянган хүн захиалгаа өгсөн гэнэ.
46 хүний суудалтай энэ зоогийн газарт орсон хүн ямар нэгэн гэрэл зураг авахгүй байхын тулд үүдний дэргэдэх шүүгээнд гар утас, бусад электрон хэрэгслээ хийж орхиод хувцсаа тайлах юм байна. Зоогийн газраар үйлчлүүлэгчдэд  хагас нүцгэн үйлчлэгч үйлчилнэ гэнэ.
Бямба гарагт болсон зоогийн газрын нээлтэд ирсэн нэгэн үйлчүүлэгч “Би оройн хоолоо хэзээ ч ингэж тааламжтай идэж байсангүй” гэж бичжээ.

Зоогийн газрын өөр нэг онцлог нь үйлчлүүлэгчиддээ орчин үеийн ямар ч техник, технологийн  дэвшил ашиглахгүйгээр жинхэнэ унаган төрхөөр үйлчлэх явдал гэж эзэд нь хэлжээ. Гал тогоонд гэхэд л ямар ч цахилгаан, байгалийн хий ашиглахгүй гал дээр хоолоо бэлтгэх юм байна.