Румыны нэгэн  жижигхэн хот Дрегушений даргыг сонгох сонгуулиар ер бусын бэрхшээл гарсан байна. Хэргийн учир нь хотын даргын суудлын төлөө өрсөлдөхөөр нэрээ дэвшүүлсэн гурван хүний овог нэр нь яг адилхан байжээ.
Энэ зургадугаар сарын 5-нд болсон энэ сонгуулиар Василь Чепой гэгч нөгөө хоёр Чепойгоо ялж 2,5 мянган хүнтэй энэ жижиг хотын даргаар сонгогдсон байна.

“Би сонгуульд өөрийнхөө хоёр дахь нэр болох Василь Лика Чепой гэдгээр орсон. Энэ л миний ялахад нэмэр болсон байх” гэж хариулсан түүний төлөө 1200 хүн санал өгчээ. Нөгөө хоёр нэр дэвшигч нь 100, 10 санал авсан байна. 

 Энэ гурван нэр дэвшигч өөр зуураа төрөл садан огт биш, харин намууд сонгогчдыг төөрөлдүүлэх гэж ийм овог нэртэй хүнийг зориуд нэр дэвшүүлсэн байх. Тэгээд ч Чепой гэдэг нь румыны энэ нутагт хамгийн түгээмэл байдаг нэр гэж Орон нутгийн захиргааны төлөөлөгч Виорел Мунтяну ярьжээ.