Бүгд Найрамдах Чех Улсын Засгийн газар улсынхаа албан ёсны товч нэрийг Чех хэмээн баталсан байна. Гэхдээ “Бүгд найрамдах Чех улс” гэдэг нь албан ёсны нэр хэвээрээ үлдэнэ гэж DW хэвлэлийн мэдээнд дурджээ.

Чехийн Гадаад хэргийн яамны тэмдэглэснээр бол “ЧЕХ” гэдэг товчилсон нэр нь олон улсад түгээл болон нэршиж ирсэн ч албан ёсны товчлол гэж үздэггүй байжээ.  Тус улс шинэ нэрийнхээ асуудлаар  ойрын үед НҮБ-д хандан энэ шинэ нэрийг нь мэдээллийн сандаа бүртгэж авахыг хүсэх гэнэ.

Одоо тус улсыг англи хэлээр Czechia, немцээр Tschechien, францаар Tchequie, чех хэлээр Cesko гэж нэрлэж байх юм байна.

Гэхдээ төрийн энэ шийдвэрт зарим хүн бас таагүй хандаж байгаа юм байна. Чехия гэх нь сонсголонгүй байна гэж зарим нь үзэж байгаа бол зарим нь англиар бичихэд Чечень гэдэгтэй адил харагдана гэж дургүйцэж байгаа гэнэ.