2012 оны сонгуулиар Дархан-Уул аймгаас УИХ-ын сонгуульд  бие даан нэр дэвшиж ялаад гурван жил ажилласан ч Хөдөлмөрийн Үндпэсний намд элсч бүр даргаар нь ажиллаж байсан С.Ганбаатар энэ сонгуулиар нам бус болон огт өөр “Эх орончдын нэгдсэн эвсэл”-ийн нэрийн өмнөөс өрсөлдөх болсон байна.
Хөдөлмөрийн үндэсний намыг тамга тэмдэг, браимт бичгийн зөрчилтэй хэмээн СЕХ сонгуульд оролцохыг нь зөвшөөрөөгүй. Тэгээд ч ХҮН намын дотоодод зөрчил үүсч, С.Ганбаатарыг намын дарга мөн биш гэсэн маргаан үүссэн нь С.Ганбаатарыг ийн өөр эвслийг, “Эх орончдын нэгдсэн эвсэл”-ийг бараадахад хүргэсэн бололтой.
Одоо тэрээр энэ эвсэлд багтаж байгаа Эх орончдын нэгдсэн нам, ХАМУГ Монголын хөдөлмөрийн намын алинд нь ч элсэхгүйгээр зөвхөн нэрийн нь өмнөөс дэвших гэж байгаа гэнэ.
С.Ганбаатар гишүүний тухайд  УИХ-ын сонгуульд оролцох эрхээ авсан нам, эвсэл хэрэгтэй байгаа бол “Эх орончдын нэгдсэн эвсэл”-ийн хувьд УИХ-д сууж хууль тогтоож байсан, туршлагатай, бас ялах магадлалтай С.Ганбаатар гэдэг эрхэм нэг суудал чирээд ирж магадгүй гэж тооцож байгаа бололтой.