АНУ-ын Сан-Франциско хотын Орчин үеийн урлагийн музейд зочилж үзсэн хэдэн залуу шалан дээр нүдний шилээ тавьж орхисон нь жинхэнэ урлагийн бүтээл болж, хүмүүсийн анхаарал татсан байна хэмээн BuzzFeed хэвлэлд бичжээ.

17 настай Ти Жей Каятан гэгч найзуудтайгаа явж байгаад музей, үзмэрүүд нь, ялангуяа  саарал өнгийн хөнжил дээр амьтны чихмэл их таалагдсан гэнэ. Ер нь харж байхад хүмүүс энэ үзмэрийн дэргэд багагүй саатаж анхаарч байгааг харсан Ти Жейд нэг сонин бодол төрж нүднийхээ шилийг тэнд нь тавиад орхижээ.

 Тэгээд алсаас харж байтал хүмүүс тэнд саатаж, нүдний шилийг сонирхон, зарим нь бүр зургийг нь дарж байсан гэж ярьсныг  BuzzFeed мэдээлсэн байна.
Харин тэр үзэгчдийн зургийг Ти Жей аваад Twitter-тээ тавьсан нь интернет хэрэглэгчдээс 47 мянган лайк авч амжээ.