69 дэх удаагаа болж  буй Каннын кино наадам  энэ сарын 21 хүртэл гарна. Энэхүү кино маркетад “Дижитал Агуулга” ХХК сүүлийн үеийн шилдэг 100-гаад уран бүтээлийг албан ёсны зөвшөөрөлтэйгөөр танилцуулах, худалдаалах ажлыг эхлүүлээд байгаа. Монголын уран сайхны  “Маш нууц”, “Содура”, “Үргээлэг2”, “Элэг нэгтэн”, “Lovers”, “Босуул” зэрэг Монголын уран сайхны кино энэ наадмын маркетэд багтжээ. Эдгээрээс  “Үргээлэг2” кино Каннын дэлгэцэнд  гарахаар хуваарьт орсон  байна. Каннын кино маркетад оролцож байгаа кинонуудын мэдээллийг агуулсан “POCKED GUIDE” номонд “Үргээлэг2”-ын танилцуулга багтсан бөгөөд эл ном нь жил бүр 10,000 ширхэг хэвлэгддэг аж.
Канн 70 жилийн түүхтэй дэлхийн хамгийн анхны кино наадам бөгөөд 2015 онд зохион байгууласан кино маркетаар нийт 10.000 кино мэргэжилтэн оролцсоноос 3200 продюсер, 2300 дистрьбютер компани, 1500 олон улсын менежер мөн 790 фестиваль зохион байгуулагч нар багтжээ. Энэ бүгдээс Каннын кино маркетын цар хүрээг бэлхнээ харж болно.
Энэхүү кино наадамд монголчууд амжилттай оролцсоноор  олон улсын контентын худалдаанд нэр хүнд нь өсөх, кино уран бүтээлчдийн үнэлэмж, орлого нэмэгдэх зэрэг Монголын эдийн засагт үр өгөөжөө өгөх сайн талтай хэмээн мэргэжилтнүүд үзэж байна.