Эльхам Араб
                      
Толгойн алчуур зүүгээгүй, лалын ёс заншлын эсрэг гэрэл зургуудаа интернетэд оруулан тараасан  хэмээн Ираны хэд хэдэн загвар өмсөгчийг баривчилсан байна. “Лалын бус төрх байдал гаргасан” этгээдүүдтэй тэмцэх ажлын хүрээнд толгойн алчуур зүүгээгүй найман ч загвар өмсөгчийг баривчилжээ. “Аалз-2” арга хэмжээний хүрээнд эрх баригчид Instagram хөтөлдөг 170 орчим хүнийг мөрдөн шалгасны 58 нь загвар өмсөгч, 59 нь гэрэл зурагчин, 51 нь загвар зохион бүтээгч, загварын салоны эзэн байсан бол хоёр ч байгуулага байна.
Иранд 1979 оны хувьсгалаас хойш олон нийтийн газар гивлүүргүй явахыг хориглосон юм.

                                                Нилуфар Бехбуди

Эдний дотор Мелика Замани, Нилуфар Бехбуди, Донья Могадам, Дана Ник, Шабнам Молави, Эльназ Голрох,  Хамид Фадаеи зэрэг загвар өмсөгчид байгаа юм. Энэ хүмүүсийн эсрэг гивлүүр зүүгээгүй,ёс бус зургаа интернетээр тараасан хэмээн эрүүгийн 21 хэрэг үүсгэсэн байна.

                                                    Дана Ник

Хоёр жилийн өмнө ираны залуучуудын нэг хамтлагийг Фаррел Уильямсын “Нарру” дууны аянд бүжиглэсэн хэмээн тус бүрийг нь зургаан сараар хорьж 91 удаа ташуурдах ялаар шийтгэж байсан юм.

                                                    Эльназ Голрох

Загвар өмсөгч, Ираны алдарт гоо бүсгүй Эльхам Арабыг гэхэд л   хуримын даашинзтай гэрэл зургуудаа өөрийн сайтдаа тавьсны төлөө Ираны хувьсгалт шүүхэд дуудан камерын өмнө байцаасан байна. Үсээ шаргалаар будсаны нь төлөө түүнийг барууны хэв маягийг түгээн дэлгэрүүлэх гэсэн хэмээн буруутгажээ.

                                                    Хамид Фадаеи