УИХ-ын гишүүн Г.Уянга өчигдөр Ерөнхийлөгч Ц.Элбэгдоржийг Үндсэн хууль зөрчсөн хэмээн үзэж буйгаа мэдэгдлээ. “Ерөнхийлөгч Ц.Элбэгдорж  Жастин Каплаг өршөөсөн нь хууль зөрчсөн гэж үзэж байгаа.

Тухайн үед хоёр орны гадаад харилцааны асуудал гэж үзээд хүндэтгэлтэй хандаж байсан. Гэвч тэр хүмүүс Монгол Улсад татварынхаа өрийг барагдуулахгүй байна. Тиймээс энэ асуудлыг УИХ-ын Байнгын хороо болон чуулганаар хэлэлцэх ёстой” гэж тэрээр хэлээд “Саус гоби сэндс” компанийн удирдлагууд 35 тэрбум төгрөгийн хохирлоо барагдуулаагүйг дурдлаа. Ерөнхий сайдад 15 тэрбум төгрөгийг зургаан жилийн хугацаанд хувааж төлөх, үлдсэнийг нь бэлнээр төлөхгүй гэж зувчуулсан. Тэгээд ч болоогүй төлбөрөө төлөхгүй бултах болсон нь Монголын төрийг дээрэлхэж буй хэрэг. Ийм хүмүүст уулчлал үзүүлсэн Ерөнхийлөгч Ц.Элбэгдоржийн гаргасан зарлигийг хүчингүй болгож, улмаар ҮХЦ-ээр шийдвэрлэх ёстой гэдгээ илэрхийлсэн юм. Уг асуудлыг хэлэлцэх Хууль зүйн байнгын хорооны хуралдааны үеэр түүний саналд МАН-ын бүлэг завсарлага авсан.

Энэ үеэр тэрээр өнгөрсөн долоо хоногт МАХН-аас татгалзсан УИХ-ын гишүүн Л.Цогийг Тусгаар тогтнол, эв нэгдлийн намын гишүүнчлэлтэй болж, зөвлөхөөр ажиллахаар болсныг дуулгав.