Монгол Улсын Филармони “Хүүхдийн ертөнц” танин мэдэхүйн зорилтот төслийг хэрэгжүүлж байгаа билээ.  Төслийн хүрээнд гурван тоглолт хийх бөгөөд эхнийх нь Улсын Филармонийн тайзнаа энэ сарын 8-ны өдөр болно.  Улсын Филармонийн дэргэдэх Баянмонгол жазз найрал хөгжим Дэлхийн шилдэг хүүхэлдэйн киноны дуунуудыг энэ үдэш эгшиглүүлэх юм.  Тоглолтод хүүхэд багачуудын үзэх дуртай, дууг нь сонсох дуртай “Frozen”, “Том Жерри”, “Араатны хаан арслан”, “Чамайг даа”, “Маша баавгай хоёр”, “Инээмсэглэл” зэрэг хүүхэлдэйн кинонуудын танил дотно дуу багтжээ.