“Оскар”-ын дараа бичигддэг Берлин, Венецийн олон улсын кино наадмуудтай эн зэрэгцдэг томоохон кино наадам бол “Канн”.

Тэгвэл эл наадмын фильм маркетад “Сэмүүн” студийн захирал, МҮОНРТ-ийн уран сайхны удирдагч Б.Баяр оролцохоор болж, урилга хүлээн авчээ. Тэрээр энэ тухай “Сайхан мэдээ дуулгая. Каннын фестивальд оролцох нь” хэмээн өөрийн цахим хуудсанд нийтэлжээ. Түүнчлэн өнгөрсөн онд дэлгэцнээ гарч, үзэгч, шүүмжлэгчдээс өндөр үнэлгээ хүртсэн “Содура” уран сайхны кино ч “Канн”-ын кино наадамд үдлэнэ.
Энэ сарын 11-22-нд Франц улсын Канн хотноо үргэлжлэх 69 дэх удаагийн кино наадмыг найруулагч Вүди Аллений “Cafе society” уран сайхны кино нээх тов гарсан. Энэ жилийн наадмын албан ёсны постер зургийг найруулагч Жан Люк Годарын 1963 оны бүтээл “Contempt” уран сайхны киноны постероор чимсэн нь олны анхаарлыг татаж буй юм. Ямартай ч, “Содура” уран сайхны кино “Далдуу модны мөчир” шагнал хүртэж, найруулагч Б.Баяр олон сайхан санаа өвөрлөн ирэх биз ээ.