ОХУ-ын Гадаад хэргийн сайд Сергей Лавров Монгол улсад албан ёсны айлчлалаар ирэхдээ өдөр тутмын хувцастай, жинсэн өмдтэй бууж ирснийг оросын ажиглагчид ч шүүмжилж байна.
Оросын ridus.ru сайтад “Улаанбаатарын Чингисхаан нисэх буудалд Лавровыг хүндэт харуул жагсан, улаан хивс дэвсэн угтаж авсан. Энэ ёслол оросын сайдыг цэнхэр жинстэй бууж ирэхэд садаа болсонгүй.
Түүний энэ гэрэл зургийг монголчууд ихээр шүүмжилж байгаа юм. Кардиффын их сургуулийн профессор Сергей Радченко ч үүнд бас анхаарлаа хандуулж “Дипломат” сэтгүүлд “Энэ бол монголчуудыг доромжилж байгаа хэрэг” гэж бичжээ.
Радченкогийн үгээр бол Лавров дараа нь Монгол Улсын ерөнхийлөгч Ц.Элбэгдоржтой уулзахдаа албан ёсын хувцастай байсан гэнэ. Гадаад хэргийн сайд бас үндэсний соёлын шоу үзэж, хамрын тамхи татсан гэнэ.
Шинжээч төгсгөлд нь онгоцонд явахдаа чахав чөлөөтэй энгийн хувцастай байж болох ч буухынхаа өмнө хувцасаа сольж албан ёсны хувцас өмсөх ёстой байсан юм” гэжээ.
Улс төрийн тоймч Б.Цогт гэрэл өөрийн зүгээс үүнийг “Гэртээ өмсдөг хувцастайгаа бууж ирсэн нь доромжлол, хүндэтгэлгүй  хандаж байгаа хэрэг” гэсэн хэмээн  ridus.ru сайтад бичсэн байна.