Шведээс гаралтай “The Radio Dept” хамтлаг манайд болох “Playtime 2016” фестивальд оролцоно гэдгээ өөрсдийн албан ёсны цахим хуудсанд мэдээлжээ.
Монголын хамгийн том амьд хөгжмийн фестиваль “Playtime 2016”наадам ирэх зургадугаар сарын 24-26-нд Гачуурт дахь Монгол шилтгээн цогцолборт болно. Энэ жил тус наадамд дэлхийн болоод Монголын шилдэг 50 гаруй хамтлаг дуучин өрсөлдөж, уран бүтээлээ толилуулах юм.

Гадны хамтлаг, дуучдын томоохон төлөөллийн нэг бол яах аргагүй “Tha Radio Dept”. Ахлах сургуулийн гурван найз амьд хөгжмийн хамтлаг байгуулж, уран бүтээл туурвиж эхэлсэн нь “Radio dept” хамтлагийн эхлэл байж. 1995 онд байгуулагдсан тус хамтлаг “Lesser matters” анхны цомгоо 2003 онд өлгийдөн авч, гурван жилийн дараа “Pet Grief”, 2010 онд “Clinging to a Scheme”  цомгоо гаргажээ.

Тус хамтлаг өдгөө дөрвөн гишүүнтэй. Хамтлагийнхан 2011 онд “World tour” аялан тоглолтоо Америк, Мексикээс эхлүүлж, 2012 онд Латин Америк, 2013 онд Турк улсад хийж байсан болтоглолтөдгөө Азийн орнуудаар үргэлжилж, тэд зургадугаар сарын 25-ны өдөр “Playtime”-ын тайзнаа саатах юм.