Энэ бол эхлээд харж сонсоход инээдтэй ч юм шиг боловч үнэхээр баримт. Монголд үнэхээр цаг хугацаагаар аялагч-муми олсон байна. Тэр нь ирээдүйгээс очсон,  Adidas  фирмийн пүүз өмссөн байна хэмээн Independent хэвлэлд бичсэнийг Joinfo.ua дамжуулжээ.
600 жилийн настай гэж байгаа энэ мумиг нутгийн иргэд олоод Ховд аймгийн музей, архелогийн судлаачдад мэдэгджээ. Муми далайн түвшнээс 3000 метрийн өндөрт хадгалагдаж байсан болохоор хүйтэн цаг агаар “цаг хугацаагаар аялагч”-ийг сайн хадгалж байсан бололтой.
Эмэгтэй хүний цогцос гэж эрдэмтдийн үзэж байгаа  энэ олдворын дэргэд эмээл, хазаар, модон аяга, данх, адууны яс, дөрвөн ч ээлжийн хувцас байжээ.

Хамгийн сонирхолтой нь энэ эмэгтэй Adidas фирмийн гутал өмссөн нь эрдэмтдийн анхаарлыг татаж, үнэхээр цаг хугацаагаар аялагч байсан юм биш биз гэсэн таамаг гаргаж байна.
Энэ эмэгтэй түрэг омгийн хүн байж магадгүй хэмээн The Siberian Times  хэвлэл мэдээллээ. Археологчдын үзэж байгаагаар бол эмэгтэйн дэргэд тавьж оршуулсан эд зүйлийн хэв маяг нь түрэг омгийн заншилтай төстэй байгаа юм байна.