ОХУ-ын Гадаад хэргийн сайд Сергей Лавров энэ сарын 14-ний өдөр Монголд албан ёсоор айлчилна гэж Москвад болсон хэвлэлийн уулзалт дээр тус яамны албан ёсны төлөөлөгч Мария Захарова мэдэгджээ.
Айлчлалын хүрээнд хоёр улсын Гадаад хэргийн сайд нар хэлэлцээ хийж хоёр орны харилцааны хөгжил, цаашдын төлөв, бүс нутгийн болон дэлхий дахины тулгамдсан асуудал, олон улсын түвшинд хамтран ажиллах талаараа хэлэлцэнэ.
Хоёр сайдын уулзалтын үр дүнд хоёр орны стратегийн түншлэлийн дунлд хугацааны баримт бичиг гаргах юм байна. Энэ баримт бичигт  улс төр эдийн засаг, хүмүүнлэгийн болон олон улсын хүрээнд хамтран ажиллах асуудлыг тусгах юм байна.