УИХ-ын Хууль зүйн байнгын хороон дарга Д.Ганбат УИХ-ын гишүүн Х.Баттулгын туслах Л.Түвшинжаргалыг Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсээс баривчилан саатуулсныг эсэргүүцэж байгаагаа мэдэгдлээ. Тэрбээр өнөөдөр Хууль зүйн сайд Д.Дорлигжавт хандан албан бичиг илгээж хүний эрх чөлөөнд халдаж байгааг сануулжээ. Мөн тус байнгын хорооноос уг асуудалтай холбоотой ажлын хэсэг гарган ажиллуулахаар болжээ.