Ази, Европын дээд түвшний 11 дэх уулзалтыг зохион байгуулах, чиг үүргээр хангах Үндэсний зөвлөлийн 19 дахь хуралдаан өчигдөр болж, Ази Европын Бизнесийн 15 дугаар чуулга уулзалтын бэлтгэл ажлын явц, АСЕМ-ын түнш орнуудаас үзүүлэх тусламж, Дээд түвшний уулзалт болон дагалдах уулзалтуудын үеэр ажиллах нарийн бичгийн даргын газрын тухай мэдээллүүдийг сонсож хэлэлцэн, Ази Европын Дээд түвшний 11 дүгээр уулзалтын хөтөлбөрийг баталлаа.

Дээд түвшний 19 дүгээр уулзалтын үеэр гадаад, дотоодын сэтгүүлчдийн ажиллах “Хэвлэлийн төв”-ийн төсвийн төслийн тухай Монгол Улсын Ерөнхийлөгчийн зөвлөх, АСЕМ-ын Хэвлэл мэдээлэл, сурталчилгаа хариуцсан ажлын хэсгийн дарга  А.Ганбаатар, Мэдээллийн технологи, шуудан, харилцаа холбооны газрын дарга Ц.Жадамбаа, МҮОНРТ-ийн Ерөнхий захирал Ц.Оюундарь нар  зөвлөлийн гишүүдэд танилцууллаа.