Энэ сарын 5-нд нээлтээ хийсэн “Атганд үлдсэн эрдэнэ” уран сайхны киноны golden treasure IMDb.com сайтад байршжээ.
Одоогийн байдлаар тус кинонд 102 хүн үнэлгээ өгч, 10-аас 10 гэсэн үнэлгээтэй явна. Энэ тухай “Хувьсал” продакшны жүжигчин А.Ганчимэг “Манай киног үзсэн хүмүүс хэр их байна вэ? Доорх сайт руу орж саналаа өгвөл Mонгол киноны үнэлгээ дээшилж, цааш цаашдаа олон уран бүтээлчид Hollywood-тай хамтарч ажиллах гарц нээгдэх юм.Хөх өнгийн од /RATE/ дээр дарж үнэлгээгээ өгөх юм шүү. Хэрэв танд бидний бүтээл таалагдсан бол 10 одоор үнэлээрэй. Та бүхэндээ баярлалаа” хэмээн өөрийн цахим хуудаснаа нийтэлсэн юм.
Тус сайтад байршаад буй Монгол уран бүтээлүүдээс “Хадаг” кино 701 хүний саналтай, 10-аас долоо, “Үргээлэг” 701 хүний саналтай, 10-аас 8.8, “Тютю” 38 хүний саналтай, 10-аас 6.6, “Ану хатан” 114 хүний саналтай, 10-аас 4.6 гэсэн үнэлгээтэй явна.
