Оросын биатлонч Эдуард Лапытов бас допинг хэрэглэсн нь илэрч Олон улсын биатлоны холбоо түүнийг тэмцээнд орохыг нь түр хугацаагаар хориглосон байна. Тэрээр энэ оны нэгдүгээр сараас сэргээшийн жагсаалтад оруулсан мельдони эмийг хэрэглсэн нь  IBU –ын 2016 оны цомын төлөө тэмцээний өмнөх  сэргээшийн шинжилгээгээр илэрчээ.

“Оросын биатлончдын холбоо үйл явдлын дагуу шалгаж байгаа. Цаашид юу болохыг хэлэхэд эрт байна. Одоохондоо түүүнийг тэмцээнд орохыг нь хориглосон” гэж Оросын биатлончдын холбоо мэдэгджээ.

Эдуард Латыпов 1994 онд төрсөн, олон улсын зиндаагаар дөрөвт багтдаг,  2014 онд Европын аваргын мөнгөн медаль хүртсэн бол 2015 оны хоёрдугаар сард Европын аварга болсон тамирчин.

Үүний өмнө оросын теннисчин Мария Шарапова, волейболч Александр Маркин, хүндийг өргөгч Алексе Ловчев, гимнастикч Екатерина Боброва, тэшүүрийн гурван тамирчин допинг хэрэглэсэн нь илэрсэн юм.