Америкийн кино академийн “Оскар” шагнал гардуулах ёслолын эхний ялагчдын тухай мэдээлэл мэдээллийн Reddit сайтад гараад эхэлж. Гэтэл материал гарсныхаа дараа тун удалгүй хаагдсан нь уншигчдын гайхшралыг төрүүллээ хэмээн jtimes.ru сайт бичжээ.

Сайтаас устгасан материал дотор шилдэг киногоор “Ухаангүй Макс” шалгарч, эрэгтэй дүрийн “Оскар”-ыг “Трамбо” киноны гол дүрийг бүтээсэн Брайн Крэнстон хүртсэн гэсэн мэдээлэл байжээ. “Оскар” хүртэгсдийн дотор Леонардо ди Каприогийн нэр байхгүй байсан гэнэ.
Гэхдээ Reddit-д нийтлээд тэр дор нь арилгасан эл мэдээлэл үнэн эсэх, зүгээр “бор шувуу” байсан уу гэдэг талаар тодорхой мэдээлэл алга байна.

Алехандро Гонсалесын “Амвд гарсан нь” киноны дүрээрээ Леонардо ди Капирио “Оскар”-ын шагналд нэр дэвшигчдийг тэргүүлж байсан юм. Тэрээр энэ жил америкийн кино академийн “Оскар”-ын шагналд зургаа дахь удаагаа нэр дэвшээд байгаа нь энэ.

“Оскар”-ын шагнал гардуулах 88 дахь удаагийн ёслол хоёрдугаар сарын 28-нд Лос-Анжелос хотноо эхлээд байгаа юм хэмээн dayonline.ru сайт мэдээллээ.