Эрүүл мэнд, спортын яамны харьяа Биеийн тамир, спортын хөгжлийн төвийн даргаар Д.Жаргалсайханыг томиллоо. Түүнийг ЭМС-ын сайдын үүрэг гүйцэтгэгч, Шадар сайд Ц.Оюунбаатарын энэ сарын 25-нд гаргасан 53 тоот тушаалаар ийн томилсон юм.

Тэрээр Монголын оюутны спортын холбооны ерөнхий нарийн бичгийн дарга, гавьяат дасгалжуулагч цолтой эрхэм билээ. Д.Жаргалсайхан өнгөрсөн баасан гарагт ажлаа хүлээн авч, “Хүүхэд-хөдөлгөөн-эрүүл мэнд” сэдэвт онол, практикийн сургалтын нээлтэд оролцов.

Түүний өмнө уг төвийн даргаар П.Бат-Эрдэнэ өнгөрсөн оны гуравдугаар сард томилогдон, ажиллаж байсан юм.