Ази тивийн аварга болсон “MongolZ” багийнхан АНУ-д зохиогдсон “MLG Columbus” тэмцээнд оролцох эрхийн эзэд болсон ч Монгол дахь АНУ-ын Элчин сайдын яамнаас удаа дараа татгалзсан хариу авсан билээ. Тэднийг эх орондоо зайлшгүй буцаж ирэх шалтгаантай гэдгээ баталж чадаагүй гэж үзсэн юм. Гэсэн хэдий ч тэд шантралгүй Польшид зохион байгуулагдах гэж буй “Katowice” тэмцээнд оролцохоор бэлтгэлээ хангасаар байна. Өнөөдөр тэд Бээжин дэх Польшийн ЭСЯ-нд виз хүссэн материалаа өгөхөөр болсон байна. Харамсалтай нь, виз нь хамгийн хурдандаа ирэх сарын 2-нд гарах боломжтой аж. Тэмцээн эхэлснээс нэг хоногийн дараа Катовиц хотод очих болохоор зохион байгуулагч ESL-тэй өөрсдийн хуваарийг 3.3-3.4нд болгуулахаар ярилцаж байгаа гэнэ. Харин тэмцээний оноолтын дагуу бол “MongolZ” багийнхан ирэх сарын 2-нд “Mousesport” багтай эхний тоглолтоо хийх юм байна. Энэхүү тэмцээнийг том туршлага хуримтуулах боломж гэж харж байгаа тэдний хувьд эцсийн найдвар нь өнөөдөр юм. Ямартай ч визний талаар мэдээлэл ирвэл тухайн үед нь мэдээлэх болно гэдгээ тус багийн хамт олон фэйсбүүк хуудсаараа дамжуулан мэдэгдлээ.