Хятадын Шаньдун мужийн Жизао хотын иргэн 66 настай Жан Дэяна төрөл төрөгсөд, ойр дотныхон нь түүнд хэрхэн ханддагийн тандахаар өөрийгөө “оршуулсан” жүжиг тавьж үүндээ 16 мянган юань буюу 2500 доллар зарцуулсан байна.
Хуурамч оршуулгын үер тансаг авс бэлтгэж оршуулгын газарт түүнтэй салах ёс үйлдэх, өвгөний нэр бүхий хөшөө  гээд бүхий л зүйл яг ёсоороо болж байхад өвгөн өөрөө талийгаачийн хувцас өмсөөд авсандаа хэвтэж байжээ. Харин дараа нь  хэн хэн оршуулах ёслолд нь ирж түүнтэй салах ёс гүйцэтгэхийг мэдэх гэж ийм арга хэмжээ зохион байгуулснаа хэлсэн гэнэ.

Оршуулах ёслолд түүний төрөл садан 50 хүнийг урьсан ч дөнгөж 20 нь л ирсэн гэнэ. Харин өөрийн нь тосгоны болон зэргэлдээ тосгоноос хэдэн зуун хүн ирсэн гэнэ.